Ég gerði þann snilldarhlut að panta óvart hótelherbergi í Tenderloin hverfinu í San Francisco. Þetta hverfi hefur sína kosti og galla. Helsti kosturinn er sá að þetta er í miðbænum, rétt hjá Union Square. Aftur á móti er ókosturinn sá að þetta er því miður frekar subbulegt hverfi. En helstu íbúar hverfisins eru heimilisleysingjar, krakkhausar og fólk sem á því miður of bágt.
Við gistum þarna í eina nótt, lifðum af, og keyrðum svo í átt til Los Angeles. Á myndinni má sjá Maddý og Lóu inná hótelherbergi, fjarri öruggu skandínavísku heimilislífi.
